Petition richtet sich an: Petitionsausschuss des Europäischen Parlaments

Il-petizzjonanta tiddikjara li eżistew rabtiet bejn żewġ awtoritajiet Pollakki mill-2016 b'riżultat ta' riformi li saru mill-fazzjonijiet politiċi fil-poter. L-awtoritajiet inkwistjoni huma l-Uffiċċju tal-Prosekutur Pubbliku Ġenerali u l-Ministru għall-Ġustizzja. Il-petizzjonanta temmen li l-Att il-ġdid dwar l-Uffiċċju tal-Prosekutur Pubbliku jippermetti lill-politiċi jinfluwenzaw l-attivitajiet tal-prosekuturi pubbliċi u li jeżerċitaw kontroll politiku (hija ssostni li l-uffiċċji tal-prosekutur pubbliku japplikaw kriterji aktar ħorox għal dawk li huma kritiċi tal-partit fil-gvern milli għal dawk li jissimpatizzaw miegħu jew li għandhom rabtiet politiċi miegħu; il-proċedimenti ta' prosekuzzjoni jinbdew jew jitwaqqfu għal raġunijiet politiċi aktar milli għal raġunijiet ġuridiċi). Fil-fehma tal-petizzjonanta, din is-sitwazzjoni hija f'kunflitt mad-drittijiet li jirriżultaw mill-Karta tad-Drittijiet Fundamentali, il-Konvenzjoni Ewropea għall-Protezzjoni tad-Drittijiet tal-Bniedem u t-TFUE.