Η αναφορά απευθύνεται σε: Petitionsausschuss des Europäischen Parlaments

Il-petizzjonant qiegħed jitlob lill-Istati Membri jnaqqsu drastikament il-volum tas-sajd industrijali u jiġġestixxu l-kwoti tas-sajd billi jużaw kriterji ambjentali u ta' sostenibbiltà soċjali. Huwa jirrileva li skont politika tas-sajd sostenibbli, sajd fuq skala żgħira b'impatt baxx irid jingħata prijorità bħala l-uniku mod kif jiġi garantit il-ħarsien tal-bijodiversità tal-baħar. Il-petizzjonant qiegħed jipproponi li l-Parlament Ewropew jistabbilixxi sussidji ekonomiċi għal sajd fuq skala żgħira sabiex dan is-sajd jiġi promoss fit-territorji u fl-Istati Membri kollha tal-UE. Bl-istess mod, il-petizzjonant qiegħed iħeġġeġ lill-istituzzjonijiet u lill-Istati Membri tal-UE biex joħolqu żoni marini protetti fl-ibħra territorjali tal-Istati Membri kollha tal-UE fejn il-bijodiversità tal-baħar tkun tista' tiġi mħarsa permezz ta' kriterji ta' sostenibbiltà u kontrolli stretti mill-awtoritajiet responsabbli f'dan il-qasam.