F'isem grupp ta' ċittadini u NGOs Bulgari u Rumeni, dwar tħassib ta' sigurtà minħabba repożitorju għal skart radjuattiv fil-Bulgarija 

Il-petizzjonanti jqajmu tħassib rigward il-bini tar-Repożitorju Nazzjonali għal Skart Radjuattiv ta' Livell Baxx u Intermedju f'Radiana, il-Bulgarija, qrib ħafna tax-Xmara Danube u l-fruntiera mar-Rumanija. Huma jargumentaw li l-bini se jniġġes l-ilmijiet ta' taħt l-art bi skart radjuattiv (RAW), li ftit minnu għandu nofs ħajja ta' bosta mijiet ta' eluf u saħansitra anki bosta għexieren ta' miljuni ta' snin. Il-petizzjonanti jenfasizzaw kwistjonijiet legali rigward il-valutazzjoni tal-impatt ambjentali u jiddikjaraw li l-kwantità ta' RAW li se jiġi depożitat f'Radiana se jaqbeż bil-ħafna l-estimi tal-proġett attwali. Ilkoll jallegaw ksur tal-Konvenzjonijiet ta' Aarhus u ta' Espoo u jitolbu t-twaqqif tal-finanzjament ta' dan il-proġett.