Dwar l-allegat nuqqas ta' kunsiderazzjoni tat-trattament krudili tal-annimali mill-awtoritajiet muniċipali fi Klaipėda (il-Litwanja) 

Il-petizzjonant huwa mħasseb dwar it-trattament krudili tal-annimali allegatament appoġġjat mill-muniċipalità ta' Klaipėda fil-Litwanja. Il-muniċipalità ta' Klaipėda kkonkludiet ftehim mal-kumpanija b'responsabbiltà limitata "Nuaras" dwar it-trattament ta' annimali li jgħixu fit-toroq fil-belt ta' Klaipėda. Il-petizzjonant isostni li "Nuaras" ilha aktar minn 20 sena tittratta lill-annimali b'mod krudili. Minkejja għadd ta' protesti persistenti taċ-ċittadini u minkejja li l-organizzazzjonijet għall-protezzjoni tal-annimali talbu li jitwaqqfu l-arranġamenti kuntrattwali ma' "Nuaras", il-muniċipalità talloka r-responsabbiltà għat-trattament u l-kura tal-annimali li jgħixu fit-toroq fi Klaipėda lill-istess fornitur tas-servizzi. Fid-dawl tal-petizzjoni, din il-prattika tikser l-Artikolu 13 tat-TFUE kif ukoll l-istandards legali nazzjonali u internazzjonali dwar it-trattament tal-annimali bħala esseri li jħossu, osservati mil-Litwanja.