Framställningen är riktad till: Petitionsausschuss des Europäischen Parlaments

Il-petizzjonant isostni li fil-belt ta' Cáceres u l-muniċipalità ta' Sierra de Fuentes, iċ-ċittadini huma mhedda mill-proġett ta' minjieri tal-litju b'fossa miftuħa – "San José / Valdeflórez" – li kumpanija Awstraljana tixtieq tiftaħ. B'rabta ma' dan il-proġett, id-Direttorat Ġenerali tal-Industrija, l-Enerġija u l-Minjieri tal-Junta de Extremadura qed jipproċessa jew ipproċessa serje ta' proċeduri ta' drittijiet ta' estrazzjoni. Il-petizzjonant iqis li kien hemm ksur tal-leġiżlazzjoni tal-Unjoni Ewropea, b'mod speċifiku:– id-Direttiva 2003/4/KE tal-Parlament Ewropew u tal-Kunsill tat-28 ta' Jannar 2003 dwar l-aċċess pubbliku għat-tagħrif ambjentali u li tħassar id-Direttiva tal-Kunsill 90/313/KEE;– id-Direttiva 2006/21/KE tal-Parlament Ewropew u tal-Kunsill tal-15 ta' Marzu 2006 dwar l-immaniġġar ta' skart mill-industriji ta' estrazzjoni u li temenda d-Direttiva 2004/35/KE - Dikjarazzjoni tal-Parlament Ewropew, tal-Kunsill u tal-Kummissjoni;– id-Direttiva 2001/42/KE tal-Parlament Ewropew u tal-Kunsill tas-27 ta' Ġunju 2001 dwar l-istima tal-effetti ta' ċerti pjanijiet u programmi fuq l-ambjent u d-Direttiva 2011/92/UE tal-Parlament Ewropew u tal-Kunsill tat-13 ta' Diċembru 2011 dwar l-istima tal-effetti ta' ċerti proġetti pubbliċi u privati fuq l-ambjent Test b'relevanza għaż-ŻEE, fir-rigward tal-evalwazzjoni tal-impatt ta' ċerti proġetti pubbliċi u privati fuq l-ambjent, b'rabta mad-Direttiva tal-Kunsill 92/43/KE tal-21 ta' Mejju 1992, dwar il-konservazzjoni tal-habitat naturali u tal-fawna u l-flora selvaġġa u mad-Direttiva 2009/147/KE tal-Parlament Ewropew u tal-Kunsill tat-30 ta' Novembru 2009 dwar il-konservazzjoni tal-għasafar selvaġġi;– id-Direttiva 2000/60/KE tal-Parlament Ewropew u tal-Kunsill tat-23 ta' Ottubru 2000 li tistabbilixxi qafas għal azzjoni Komunitarja fil-qasam tal-politika tal-ilma.