Dwar l-installazzjoni ta' pannelli solari fuq bini pubbliku 

Il-petizzjonant jitlob leġiżlazzjoni li tirrikjedi li l-bini pubbliku kollu jiġi mgħammar b'pannelli solari u faċilitajiet tal-ħżin tal-elettriku korrispondenti u possibbilment punti tal-iċċarġjar għal vetturi pubbliċi u privati. Dan jikkostitwixxi protezzjoni tal-klima effettiva, fejn il-gvern imexxi bl-eżempju, billi jappoġġja l-ekonomija u l-industrija permezz tad-domanda ġġenerata filwaqt li jbaxxi l-kost tal-produzzjoni bil-massa ta' pannelli solari u joħloq l-impjiegi. Dan jiffranka wkoll flus il-kontribwenti fuq terminu twil, jappoġġa lill-komunitajiet lokali, joħloq stazzjonijiet tal-iċċarġjar li għad hawn nuqqas tagħhom u joħloq inċentiv biex individwi privati jixtru vettura elettrika.