Framställningen är riktad till: Petitionsausschuss des Europäischen Parlaments

Il-petizzjonant isostni li l-prodott mediċinali Dotarem (aġent ta' kuntrast b'bażi ta' gadolinju użat għall-viżwalizzazzjoni), li jiġi kkummerċjalizzat fl-Unjoni Ewropea u jintuża matul proċeduri ta' eżami mediku permezz ta' Immaġini b'Reżonanza Manjetika (MRI), ikkawżalu avvelenament tossiku serju. B'mod partikolari, huwa jsostni li l-mediċina ma tneħħietx mill-kliewi fi żmien ġimgħa, kif indikat fuq l-istruzzjonijiet tal-medikazzjoni, u li 3 xhur u nofs wara li ngħata l-mediċina, ġie ddijanjostikat li l-ammont ta' gadolinju li joħroġ mill-urina tiegħu huwa tliet darbiet il-limitu aċċettabbli massimu. Huwa jsostni wkoll li, b'riżultat ta' dan, żviluppa fibrożi sistemika f'ġismu kollu b'dannu ovvju għall-ġilda, l-għajnejn, il-wiċċ u eżawriment fiżiku sever. Huwa jitlob li jittieħdu l-miżuri kollha meħtieġa biex tiġi żgurata s-saħħa pubblika taċ-ċittadini tal-UE, li jiġi kkumpensat mill-manifattur tal-prodott Dotarem u li jiddaħħal fi klinika speċjalizzata tal-UE għat-tneħħija tal-gadolinju minn ġismu.