Gníomhartha maidir leis an Éigeandáil Aeráide

Iarraimid ar an gCoimisiún Eorpach an gníomhú i leith na héigeandála aeráide a neartú chun go mbeifear ag teacht leis an teorainn téimh 1.5°. Is é a chiallaíonn sin go bhfuil spriocanna aeráide níos uaillmhianaí de dhíth chomh maith le tacaíocht airgeadais don ghníomhú ar son na haeráide. Déanfaidh an tAontas Eorpach a spriocanna faoi Chomhaontú Pháras a choigeartú go laghdú 80% ar astaíochtaí gás ceaptha teasa faoi 2030, chun go mbeifear neodrach ó thaobh carbóin de faoi 2035, agus déanfar an reachtaíocht aeráide a choigeartú dá réir sin. Cuirfear Coigeartú Carbóin Teorann i bhfeidhm san Aontas. Ní shíneofar aon chonradh saorthrádála le tíortha comhpháirtíochta nach dtabharfaidh faoi chonair chomhoiriúnach chun teorainn 1.5° a bhaint amach, de réir an Climate Action Tracker. Cruthóidh an tAontas Eorpach ábhair oideachais saor in aisce do churaclaim na mBallstát uile faoi éifeachtaí an athraithe aeráide.