Petycja skierowana jest do: Petitionsausschuss des Europäischen Parlaments

Il-petizzjonant joġġezzjona għas-sistema ta' sussidji pubbliċi għas-servizzi ta' xandir televiż u bir-radju tal-istat Ġermaniż. Il-petizzjonant huwa tal-opinjoni li dan jikkostitwixxi għajnuna mill-istat u jista' jwassal għal distorsjonijiet tal-kompetizzjoni. B'mod partikolari, il-petizzjonant huwa kkonċernat bil-finanzjament ta' avvenimenti sportivi kbar bħal turnej tal-futbol u b'mod partikolari t-Tazza tad-Dinja. Il-petizzjonant jemmen li l-arranġamenti għal xandir pubbliku għal dawn l-avvenimenti u l-finanzjament indirett tagħhom qiegħed iwassal għal spejjeż dejjem ogħla għall-atleti u l-uffiċjali pubbliċi relatati ma' dawn l-avvenimenti. Huwa jappella lill-istituzzjonijiet tal-UE biex jassiguraw li r-Repubblika Federali tal-Ġermanja tiġi ordnata timmodifika l-istat preżenti tal-arranġamenti tax-xandir televiżiv u bir-radju, b'mod li ma jkunx hemm sussidju ulterjuri fuq avvenimenti sportivi kbar, kif allegat fil-petizzjoni.