Petícia je adresovaná: Petitionsausschuss des Europäischen Parlaments

Il-petizzjonant jilmenta dwar in-nuqqas ta' definizzjoni armonizzata ta' "diżabbiltà" fi ħdan l-Unjoni Ewropea. Huwa jitlob li tingħata definizzjoni olistika tat-terminu, li tqis id-diżabbiltajiet li mhumiex inklużi fil-Klassifikazzjoni Internazzjonali tal-Mard tal-Organizzazzjoni Dinjija tas-Saħħa. Il-petizzjonant jirrimarka l-fatt li n-nuqqas ta' armonizzazzjoni f'din il-kwistjoni jwassal għal rikonoxximent differenzjat tad-diżabbiltajiet. B'riżultat ta' dan, xi persuni b'diżabbiltà mhumiex eliġibbli għall-appoġġ, għalkemm għandhom bżonnu. Il-petizzjonant isostni li din is-sitwazzjoni tipprevjeni lill-persuni affettwati minn diżabbiltajiet mhux rikonoxxuti milli jgawdu d-drittijiet fundamentali tagħhom iggarantiti fil-Karta tad-Drittijiet Fundamentali tal-Unjoni Ewropea.