Andragendet er stilet til: Petitionsausschuss des Europäischen Parlaments

Il-petizzjonant jilmenta li l-awtoritajiet pubbliċi fi Spanja qegħdin jiksru d-Direttiva tal-Kunsill 1999/70/KE tat-28 ta' Ġunju 1999 dwar il-ftehim qafas dwar xogħol għal żmien fiss konkluż mill-ETUC, l-UNICE u s-CEEP, u r-riżoluzzjoni tal-Parlament Ewropew tal-31 ta' Mejju 2018 dwar l-użu abbużiv tal-kuntratti b'terminu fiss, billi jimminaw serjament il-kundizzjonijiet tax-xogħol tal-uffiċjali tal-qorti. Il-petizzjonant jirrimarka li l-awtoritajiet Spanjoli qegħdin ripetutament u kontinwament jiksru dan l-att leġiżlattiv. Il-petizzjonant jitlob li d-Direttiva 1999/70/KE tiġi trasposta b'mod korrett fir-rigward ta' mekkaniżmi effettivi u dissważivi li jippenalizzaw l-użu abbużiv ta' kuntratti b'terminu fiss għal uffiċjali pubbliċi interim li jaħdmu mal-"Administración de Justicia" [Ġudikatura], billi l-konverżjoni ta' dawn il-kuntratti b'terminu fiss f'kuntratti permanenti hija l-unika għażla li tikkonforma mad-Direttiva 1999/70/KE. Huwa jitlob ukoll li jiġu kkanċellati l-proċessi tal-għażla msejħa għat-taqsimiet legali u amministrattivi ġenerali tal-"Administración de Justicia", sa meta d-dispożizzjonijiet tad-Direttiva msemmija qabel dwar il-penali għall-abbuż ta' kuntratti b'terminu fiss jiġu trasposti b'mod korrett.