Dwar l-inklużjoni ta' reati kontra l-ambjent bħala reati kontra l-umanità fl-Istatut ta' Ruma tal-Qorti Kriminali Internazzjonali 

Il-Petizzjonant jitlob lill-UE sabiex, mill-aktar fis possibbli, tibda l-proċess sabiex atti serji ta' qerda jew ta' negliġenza ambjentali intenzjonati, li jagħmlu ħsara lill-pjaneta, jiżdiedu mal-Istatut ta' Ruma skont l-Artikolu 7 "Reati Kontra l-Umanità". Il-Petizzjonant huwa tal-fehma li l-persuni f'pożizzjoni ta' setgħa jew ta' influwenza għandhom jinżammu responsabbli għall-azzjonijiet tagħhom li jdgħajfu x-xjenza, ir-riċerka jew għal attivitajiet maħsuba biex inaqqsu l-impatt industrijali. Barra minn hekk, huwa jitlob addendum għall-istatut ta' Ruma, sabiex il-persuni jkunu jistgħu jinżammu responsabbli għal dan it-tip ta' reat – peress li huwa ta' natura globali –, anki jekk il-pajjiż tagħhom ma jkunx stat firmatarju.