Dwar l-emerġenza klimatika 

Il-petizzjonant, li għandu ċittadinanza doppja (Brittanika u Awstraljana), jistieden lill-Parlament jieħu azzjoni kontra pajjiżi bħall-Awstralja li jiċħdu t-tibdil fil-klima u jostakolaw l-azzjoni ta' emerġenza għall-ġlieda kontra t-tibdil fil-klima. Il-petizzjonant jistieden lill-Parlament Ewropew jgħaddi riżoluzzjoni li tiddikjara l-Awstralja (u nazzjonijiet oħra li ma jiħdux azzjoni fir-rigward tal-emerġenza klimatika) bħala pajjiż li ma jimpurtahx mill-klima u tħeġġeġ lill-pajjiżi membri japplikaw sanzjonijiet u tariffi punittivi fuq l-esportazzjonijiet kollha (speċjalment l-esportazzjonijiet ta' karburanti fossili) mill-Awstralja sakemm din tnaqqas l-emissjonijiet tagħha u taġixxi bħala membru responsabbli tal-komunità internazzjonali.