Ir-rispett għall-Istat tad-dritt fl-Unjoni Ewropea

Il-ħolqien ta’ mekkaniżmu ta’ evalwazzjoni oġġettiva u imparzjali li jivverifika l- applikazzjoni tal-valuri tal-Unjoni Ewropea mill-Istati Membri kollha. (a) L-Unjoni Ewropea għandha tadotta leġiżlazzjoni ġenerali li tagħmilha possibbli li tkun ivverifikata b’mod oġġettiv l-applikazzjoni prattika tad-dispożizzjonijiet nazzjonali marbutin mal-Istat tad-dritt sabiex tissaħħaħ il-fiduċja reċiproka bejn l-Istati Membri u biex tiġi ffaċilitata l-implimentazzjoni tad-dispożizzjonijiet tal-Artikolu 7 tat-TUE dwar ksur possibbli tal-valuri tal-Unjoni. (b) Li jiġi ffaċilitat l-infurzar tal-liġijiet Ewropej dwar il-kooperazzjoni ġudizzjarja f’materji kriminali (pereżempju l-mandat ta’ arrest Ewropew).