F'isem Stefi-Trans, bi 13-il firma, dwar il-kontrolli ta' mistrieħ imwettqa mill-awtoritajiet Franċiżi fuq it-trasportaturi Bulgari 

Il-petizzjonant, li jirrappreżenta kumpanija tat-trasport Bulgara, jilmenta dwar il-kontrolli minn xi awtoritajiet nazzjonali (f'dan il-każ Franċiżi) tat-takografi tat-trakkijiet u ta' kontijiet ta' lukandi tas-sewwieqa ta' dawn it-trakkijiet, u dwar il-ħruġ ta' multi finanzjarji kbar talli ma pprovdewx il-kontijiet. Il-petizzjonant ifakkar li r-Regolament 561/2006 tal-Parlament Ewropew u tal-Kunsill tal-15 ta' Marzu 2006 dwar l-armmonizzazzjoni ta' ċerta leġiżlazzjoni soċjali marbuta mat-trasport bit-triq bħalissa qed jiġi rivedut fi ħdan il-leġiżlazzjoni tal-Pakkett tal-Mobilità I u qed iseħħu bħalissa negozjati biex jinkisbu xi derogi, għalhekk dawn il-kontrolli mhumiex xierqa u huma inġusti. Fl-opinjoni tal-petizzjonant, dawn il-prattiki jikkostitwixxu diskriminazzjoni skont l-Artikolu 21 tal-Karta tal-UE u jiksru l-libertà tax-xogħol u l-libertà ta' provvista ta' servizzi taċ-ċittadini madwar l-Istati Membri.