F'isem il-"Comunidad de Montes Vecinales en Mano Común de Tameiga", dwar il-pjan ġenerali ta' żvilupp muniċipali għal Mos, Pontevedra, f'Galicia  

Il-petizzjonant jitlob li jitwaqqaf it-tibdil fil-pjan ġenerali ta' żvilupp muniċipali għal Mos li se jbiddel l-użu tiegħu tal-ippjanar minn art forestali rurali protetta għal art għall-bini, biex jiġi żviluppat il-kumpless sportiv tal-klabb tal-futbol Real Club Celta de Vigo u park kummerċjali kbir. Il-petizzjonant jgħid li dan se jbiddel kompletament l-użu tradizzjonali ta' din l-art bħala foresta, u se jpoġġi l-interessi privati tar-Real Club Celta de Vigo qabel il-protezzjoni u s-salvagwardja tal-assi forestali fuq din l-art.