Peticija se upućuje na: Petitionsausschuss des Europäischen Parlaments

Il-petizzjonanta tindirizza lill-Kumitat għall-Petizzjonijiet biex tiddenunzja l-inkapaċità ta' aktar minn 4 miljun Ewropew mingħajr dar li "jibqgħu fi djarhom" matul il-pandemija tal-COVID-19, filwaqt li tenfasizza li r-riperkussjonijiet ekonomiċi attwali jistgħu saħansitra jpoġġu aktar persuni f'riskju li jispiċċaw mingħajr dar. Hi tappella lill-Unjoni Ewropea biex tiżgura li ħadd ma jitħalla jaqa' lura, peress li l-ġlieda kontra l-pandemija għandha tkun inklużiva sabiex il-virus ikun ikkontrollat. Il-petizzjonanta tirreferi għal diversi prattiki tajbin fl-Istati Membri, li joffru wkoll il-possibbiltà li setturi ekonomiċi taħt pressjoni jibbenefikaw mill-isforzi ta' appoġġ ta' dawk bla dar. Hi temmen li issa l-Unjoni għandha tieħu azzjoni konġunta biex timplimenta miżuri ta' akkomodazzjoni madwar l-Unjoni li jiżguraw strateġija d-Dar l-Ewwel. Il-verżjoni online tal-petizzjoni titlob lill-Parlament Ewropew biex joħroġ tliet tipi ta' linji gwida lill-Istati Membri tal-UE f'din il-kwistjoni.