Lūgumraksts adresēts: Petitionsausschuss des Europäischen Parlaments

Il-petizzjonant jiddikjara li l-ilma mormi mill-ibliet ta' Manduria u Sava fil-Puglia huwa ttrasferit lejn impjant li huwa inqas minn ħames kilometri mill-kosta tal-Puglia u li jarmi fil-baħar. Il-baċir tal-iskular ta' emerġenza huwa konness ma' port turistiku u bajja. Riżerva naturali tinsab viċin il-baċir. Il-petizzjonant huwa kkonċernat dwar deterjorazzjoni fil-kwalità tal-ilmijiet kostali li rriżultat mir-rimi tal-ilma mormi fil-baħar. Barra minn hekk, l-installazzjoni ta' pajpijiet tad-drenaġġ fuq distanza ta' aktar minn 30 km qed teqred il-veġetazzjoni, il-vinji u l-imsaġar taż-żebbuġ Mediterranji. Għalkemm il-proġett finali għadu ma ġiex ippreżentat, ix-xogħol ta' bini għall-impjant tat-trattament tal-ilma mormi diġà beda. Il-petizzjonanti jitolbu li jitwaqqaf il-proġett u li tinsab soluzzjoni b'livell baxx ta' impatt u riskju ambjentali.