Petition richtet sich an: Petitionsausschuss des Europäischen Parlaments

Il-petizzjonanta tallega li, fl-2016, il-Qorti tal-Ġustizzja tal-UE kkonfermat il-ksur ripetut tad-dispożizzjonijiet tat-trattament tal-ilma mormi fl-estwarju ta' Pontevedra, wara lment mill-Kummissjoni Ewropea kontra Spanja minħabba r-riskju għas-saħħa pubblika li jirriżulta mit-trattament inadegwat tal-ilma urban mormi. Hija toġġezzjona għall-proġett il-ġdid, u tindika li dan il-proġett sempliċiment se jmexxi l-punt ta' skariku fl-estwarju mingħajr ma tissolva l-problema. Hija tiddenunzja wkoll il-fatt li l-proġett li jinvolvi l-espansjoni tal-impjant tat-trattament attwali mhux qed jiġi ppubblikat u tqis dan bħala ksur tad-Direttiva 2003/4/KE tal-Parlament Ewropew u tal-Kunsill tat-28 ta' Jannar 2003 dwar l-aċċess pubbliku għat-tagħrif ambjentali.