F'isem il-Platform of United Victims of iDental (P.A.I.U.), dwar il-ksur tad-drittijiet fundamentali tagħhom mill-kumpanija iDental 

Il-petizzjonanta tallega li eluf ta' persuni ġew iffrodati mill-kumpanija iDental u ġarrbu ħsara għal saħħithom. Il-petizzjonanta tirrapporta li l-awtoritajiet tal-konsumaturi u tas-saħħa madwar Spanja rċevew għadd ta' talbiet u lmenti dwar din il-kumpanija. Il-petizzjonanta tqis li kien hemm nuqqas ta' kontrolli adegwati mill-awtoritajiet kompetenti Spanjoli. Il-petizzjonanta titlob li ssir investigazzjoni dwar il-provvista tal-kura tas-saħħa orali fi Spanja, u hija tqis li l-Istat Spanjol għandu jipprovdi kumpens sħiħ għat-telf imġarrab mill-vittmi tal-frodi iDental, inklużi d-danni għas-saħħa fiżika u psikoloġika. Il-petizzjonanta titlob lill-gvern Spanjol jiżviluppa alternattivi possibbli u sabiex jimmodifika l-Liġi dwar il-Kura tas-Saħħa Ġenerali, sabiex jippermetti l-inklużjoni tal-kura dentali fis-sistema tas-saħħa pubblika Spanjola.