F'isem il-Pjattaforma tal-Vittmi ta' iDental f'Las Palmas u Valencia, dwar il-ksur tad-drittijiet fundamentali tagħhom mill-kumpanija iDental 

Il-petizzjonant jindika li eluf ta' nies ġew iffrodati mill-kumpanija iDental u li s-saħħa tagħhom sofriet bħala riżultat ta' dan. Dan wassal għal preżentazzjoni ta' bosta pretensjonijiet u lmenti kontra l-kumpanija quddiem l-assoċjazzjonijiet tal-konsumatur u l-awtoritajiet tas-saħħa madwar Spanja. Il-petizzjonant iqis ukoll li l-awtoritajiet responsabbli għall-protezzjoni tal-pubbliku fi Spanja naqsu milli jimmonitorjaw is-sitwazzjoni kif suppost. Il-petizzjonant għaldaqstant qed jitlob investigazzjoni dwar is-sitwazzjoni fir-rigward tal-kura tas-snien fi Spanja, filwaqt li jindika ksur tal-leġiżlazzjoni nazzjonali dwar il-protezzjoni tal-konsumatur u dwar is-saħħa.