F'isem il-"Partit Demokratiku", dwar l-introduzzjoni ta' leġiżlazzjoni fl-Unjoni Ewropea li tipproteġi lill-informaturi 

Il-petizzjonant jistieden lill-Unjoni Ewropea, f'isem il-Partit Demokratiku ta' Malta, biex tqis li tintroduċi leġiżlazzjoni dwar il-protezzjoni tal-informaturi. Il-petizzjonant jemmen li l-informaturi huma kruċjali għall-funzjonament ta' pajjiż demokratiku, u jenfasizza li l-protezzjoni tagħhom hija essenzjali biex jiġi ppreservat l-istat tad-dritt. Il-petizzjonant jiddikjara li f'ċerti Stati Membri, il-leġiżlazzjoni mfassla biex tipproteġi lill-informaturi mhux qiegħda titqies u qiegħda tiġi mmanipulata, filwaqt li huma qed jiffaċċjaw fastidju u intimidazzjoni sistematika. Il-petizzjonant jissuġġerixxi li l-istatus u l-protezzjoni tal-informaturi għandhom jiġu ddefiniti fil-leġiżlazzjoni tal-UE, u li l-Qrati Superjuri tal-Istati Membri jenħtieġ li jisimgħu u jiddeċiedu dwar każijiet li fihom ir-residenti tal-UE qed ifittxu status ta' informatur. Ladarba dawn jingħataw status ta' informatur, jenħtieġ li dawn jiġu rrispettati u protetti mill-Istati Membri kollha.