Andragendet er stilet til: Petitionsausschuss des Europäischen Parlaments

Il-petizzjonanta tilmenta dwar l-effetti ta' ħsara tat-tkarkir bl-impulsi elettriċi, li juża kejbils biex jintbagħtu impulsi elettriċi tul qiegħ il-baħar, b'mod li l-ħut "jistordi" u jitressqu iktar malajr lejn ix-xbieki tas-sajjieda. Is-sajd bl-elettriku ilu pprojbit fl-UE sa mill-1998, iżda fl-2007 saret eċċezzjoni għat-tkarkir bl-impulsi elettriċi. Il-petizzjonanta turi li 28 % tal-flotta Netherlandiża hija mgħammra b'sistemi ta' impulsi elettriċi, li taqbeż il-kwoti tal-UE u tikkawża kompetizzjoni inġusta fis-suq intern tal-UE, minħabba li tippermetti lis-sajjieda Netherlandiżi biex faċilment u b'mod konsistenti jimmultiplikaw il-qabda tagħhom. Fil-fehma tal-petizzjonanta, dan il-mod intensiv ta' sajd imur kontra l-prinċipju tas-senzjenza tal-annimali u l-ħtieġa li jiġi protett il-benessri tal-ħut, kif stabbilit fl-Artikoli 11 u 13 tat-TFUE, minħabba li jikkawża sofferenza fuq il-ħut meta jmut kif ukoll jaffettwa b'mod indiskriminatorju l-ispeċijiet l-oħra preżenti f'qiegħ il-baħar, b'hekk tiġi pperikolata l-ekosistema marina kollha. Il-petizzjonanta tistieden lill-Parlament Ewropew jintroduċi projbizzjoni sħiħa fl-UE kollha fuq dan il-metodu ta' sajd u sabiex jippromwovi aħjar il-leġiżlazzjoni dwar il-benessri tal-annimali.