Petition richtet sich an: Petitionsausschuss des Europäischen Parlaments

Il-petizzjonanta tilmenta dwar it-tniġġis qawwi tax-Xmara Ferreira f'Lordelo-Paredes, il-Portugall. Hija ssostni li n-nuqqas ta' azzjoni u l-inkapaċità tal-impjant lokali tat-trattament tal-ilma mormi ppermetta t-tniġġis kontinwu tax-xmara għal għexieren ta' snin, li gradwalment iddeċimat l-ekosistema u pperikolat is-saħħa tal-popolazzjoni lokali. Barra minn hekk, skont il-petizzjonanta, matul is-sena li għaddiet l-iskart ġie mormi kważi direttament fix-xmara, u dan wassal biex din saret "tank tal-ilma mormi miftuħ" u art fertili għall-mard. Il-petizzjonanta tikkritika n-nuqqas ta' azzjoni tal-korpi ambjentali responsabbli u titlob li jiġu adottati miżuri urġenti biex jitwaqqaf it-tniġġis.