Dwar il-ksur tad-drittijiet tal-bniedem li sofrew l-attivisti paċifiċi f'Kuba 

Il-petizzjonant jallega li d-drittijiet tal-attivisti paċifiċi tad-drittijiet tal-bniedem qed jinkisru b'mod ripetut f'Kuba. Il-petizzjonant jirrapporta t-tneħħija furzata ta' José Daniel Ferrer García (il-Koordinatur Ġenerali tal-Unjoni Patrijottika ta' Kuba, UNPACU), membru tal-oppożizzjoni, minn daru fl-1 ta' Ottubru 2019. Huwa jirrimarka wkoll li, skont rapport mill-Osservatorju tad-Drittijiet tal-Bniedem ta' Kuba, fil-preżent hemm 119-il priġunier politiku, u li f'Settembru 2019 saru madwar 481 arrest arbitrarju ta' opponenti tal-gvern li kienu qed jipprotestaw b'mod paċifiku. Il-petizzjonant jitlob li jiġi applikat l-Artikolu 85(2) tal-"Ftehim ta' Djalogu bejn l-UE u Kuba" u li jittieħdu miżuri ta' prekawzjoni sabiex jiġu ssalvagwardjati l-integrità u d-dinjità ta' dawk li jinsabu f'riskju.