Dwar il-ħtieġa li jiġu inklużi miżuri ta' protezzjoni ambjentali biex tiġi evitata d-deforestazzjoni fil-ftehimiet kummerċjali bejn l-UE u l-Mercosur 

Il-petizzjonant jindika li l-foresti tal-Amerika t'Isfel huma vitali għas-sostenibbiltà ambjentali u s-saħħa globali tal-pjaneta. Il-petizzjonant jitlob li l-ftehimiet kummerċjali bejn l-UE u l-Mercosur li se jiġu ratifikati mill-Istati Membri tal-UE u mill-Parlament Ewropew ikun fihom dispożizzjonijiet li jobbligaw lill-pajjiżi tal-Mercosur, b'mod partikolari l-Brażil, fid-dawl tal-politika adottata mill-President tiegħu rigward il-foresta tal-Amażonja, jirrispettaw u jaderixxu mal-Ftehim ta' Pariġi rigward il-klima. Il-petizzjonant isostni li huwa inammissibbli li tiġi nnegozjata l-qerda ambjentali għall-prospett ta' qligħ kummerċjali.