Petition is addressed to: Petitionsausschuss des Europäischen Parlaments

Il-petizzjonant jirreferi għal emenda reċenti għall-Kodiċi tat-Triq Taljan li tipprojbixxi li residenti fl-Italja (dawk li ilhom jgħixu hemm għal aktar minn 60 jum) isuqu vetturi rreġistrati fi Stati Membri oħra (bl-eċċezzjoni ta' dawk li huma mikrija jew mislufa). Skont il-petizzjonant, il-liġi rilevanti tistipula li, meta r-regola l-ġdida tinkiser, minbarra li jiġi mmultat il-ħati jistgħu anke jiġu kkonfiskati l-vettura u d-dokumenti tal-vettura, li dan iġiegħel lis-sid jipprova jsib tarf tal-burokrazija Taljana. Il-petizzjonant jitlob lill-Istituzzjonijiet Ewropej jadottaw pożizzjoni dwar il-kompatibbiltà tar-regoli inkwistjoni mas-suq intern, li skontu tikkostitwixxi diskriminazzjoni diretta jew indiretta fil-qasam tal-moviment liberu tal-oġġetti u tal-persuni.