Петиція адресована: Petitionsausschuss des Europäischen Parlaments

Il-petizzjonant jikkundanna l-fatt li l-awtoritajiet Spanjoli rrifjutaw li jikkoreġu t-tabelli ta' ekwivalenza għall-gradi miksuba fl-Italja minn studenti li jixtiequ jistudjaw fi Spanja. Il-petizzjonant jirreferi għal risposta mill-Ministeru għall-Edukazzjoni Spanjol, li ssostni li l-istudenti li jiksbu l-ogħla klassifikazzjoni Taljana ta' "30 e lode" ma jistgħux jingħataw il-grad Spanjol korrispondenti ta' 10/10 "Matricula de Honor", minħabba li allegatament huwa aktar faċli biex l-istudenti jiksbu l-ogħla grad fl-Italja milli fi Spanja. Skont il-petizzjonant, dan l-approċċ imur kontra l-prinċipju tal-moviment liberu tal-istudenti fiż-Żona Ewropea ta' Edukazzjoni Għolja u l-prinċipji tal-opportunitajiet indaqs, l-ugwaljanza u n-nondiskriminazzjoni fost iċ-ċittadini Ewropej. Għalhekk, il-petizzjonant jitlob lill-Parlament Ewropew biex jivverifika jekk id-dritt tal-Unjoni huwiex qed jinkiser u biex jirrikjedi l-użu ta' tabelli ta' ekwivalenza li jiżguraw l-uniformità, l-oġġettività u l-imparzjalità fil-konverżjoni tal-gradi miksuba fi Stat Membru mill-istudenti universitarji Ewropej li jkunu jixtiequ jikkompletaw l-istudji tagħhom fi Stat ieħor tal-UE.