Lūgumraksts adresēts: Petitionsausschuss des Europäischen Parlaments

Il-petizzjonant u abitanti oħra ta' komun li jinstab fil-wied tax-xmara Bobrza jipprovdu informazzjoni dwar ksur possibbli tar-regoli li jirregolaw il-proċedura ta' awtorizzazzjoni fir-rigward tal-kostruzzjoni tal-awtrostrada S-74 li tgħaddi minn ġo sit ta' Natura 2000. Il-permess ambjentali għall-proġett ġie abbozzat abbażi ta' rapport dwar l-impatt ambjentali li inkluda sitt għażliet ta' rotta differenti. Finalment, minħabba l-pressjoni mill-pubbliku, id-Direttur Reġjonali għall-Protezzjoni Ambentali għażel opzjoni li tgħaddi miż-żona protetta tax-xmara Bobrza, kif ukoll minn ħabitats ta' speċi ta' annimali u għasafar protetti. Barra minn hekk, il-petizzjonanti jsostnu li l-proġett jista' jagħmel ħsara lill-ambjent u jirriżulta f'żieda fil-livelli ta' storbju u emissjonijiet ta' egżost.