Tneħħija tal-eżenzjoni mit-taxxa fuq il-fuel tal-avjazzjoni fl-Ewropa

Nappellaw lill-Kummissjoni Ewropea biex tipproponi lill-Istati Membri l-introduzzjoni ta’ taxxa fuq il-fuel tal-avjazzjoni (pitrolju). Is-settur tal-avjazzjoni jgawdi minn vantaġġi fiskali minkejja li hu wieħed mis-sorsi ta’ emissjonijiet ta’ gassijiet serra li qed jiżdied l-aktar malajr. Filwaqt li alternattivi aktar ekoloġiċi għall-avjazzjoni huma soġġetti għal taxxi għoljin, l-industrija tal-avjazzjoni tibbenefika minn ħafna eżenzjonijiet inġusti mit-taxxa. Il-fuel tal-avjazzjoni għadu mhux intaxxat fl-Ewropa u l-Istati Membri ma jimponux VAT fuq biljetti tal-ajru, u dan jagħmel l-avjazzjoni modalità tat-trasport aktar u aktar attraenti filwaqt li hi l-aktar mod ta’ użu intensiv tal-karbonju. It-taxxa fuq il-pitrolju tippermetti lill-UE żżid drastikament il-finanzjament tagħha għall-mobbiltà aktar ekoloġika peress li t-trasport hu s-settur li għandu l-aktar rata mgħaġġla ta’ żieda ta’ emissjonijiet ta’ gassijiet serra.