F'isem "No alla costruzione APL", bi 23 kofirmatarju, kontra l-kostruzzjoni ta' sezzjoni ta' awtostrada 

Il-petizzjonanti jsostnu li hemm riskju ta' ħsara irreversibbli għas-saħħa pubblika minħabba l-proġett ta' kostruzzjoni tal-Autostrada Pedemontana Lombarda (A.P.L.), li tkun twila madwar 157 km, inklużi 67 km ta' awtostrada, 20 km ta' bypasses u 70 km ta' toroq lokali, fit-territorju ta' 6 muniċipalitajiet li t-territorju tagħhom ġie affettwat mis-sħaba tad-diossina (TCDD) li ġiet rilaxxata mill-ICMESA f'Seveso fl-1976. Huma jsostnu li x-xogħol taċ-ċaqliq tal-ħamrija se jirrilaxxa d-diossina li tkun għadha maqbuda fil-ħamrija, filwaqt li jaggrava l-esponiment tar-residenti, u li x-xogħol ta' rimedju tal-ħamrija mniġġsa huwa ppjanat fi tliet muniċipalitajiet biss minn sitta. Filwaqt li jinnotaw ukoll li l-proġett tal-A.P.L. jinvolvi użu tal-art sinifikanti, għall-kuntrarju ta' COM(2011) 571 final (info 2A), filwaqt li ż-żewġ mogħdijiet li jgħaddu minn taħt jaffettwaw il-bilanċ idroġeoloġiku taż-żoni tal-għargħar u, fl-aħħar iżda mhux l-anqas, li l-Lombardija għandha waħda mill-agħar klassifikazzjonijiet fl-Ewropa għall-kwalità tal-arja (info 2D), il-petizzjonanti jitolbu li il-proġett ta' kostruzzjoni jitħassar, għax dan imur ukoll kontra l-objettivi essenzjali (l-ambjent u s-saħħa) tad-Direttiva 2014/52/UE dwar il-valutazzjoni tal-effetti ta' ċerti proġetti pubbliċi u privati fuq l-ambjent.