F'isem l-assoċjazzjoni ''Plataforma Toledo Aire Limpio'', dwar il-ħtieġa għal bidla fil-politika tal-enerġija u l-ambjent tal-Unjoni Ewropea dwar it-trattament u l-ġestjoni tal-iskart  

Il-petizzjonant jixtieq jara l-politika tal-enerġija u l-ambjent dwar it-trattament tal-iskart u l-ġestjoni tal-iskart mibdula biex jitwaqqfu l-effetti dannużi kkawżati mill-inċinerazzjoni tal-iskart, kif ġara, skont hu, f'La Sagra (Toledo). Huwa jgħid li La Sagra tbati minn tniġġis qawwi ħafna li ġej minn żewġ impjanti kbar tas-siment li jinsabu fiż-żona. Il-petizzjonant jirrapporta wkoll li l-impjanti li jimmanifatturaw il-likur orujo f'Toledo, reġjun tat-tkabbir taż-żebbuġ, jipproduċu emissjonijiet u jirrilaxxaw duħħan żejtni fl-arja li jidħol fid-djar lokali u jikkawża problemi fin-nifs lir-residenti lokali. Il-petizzjonant iqis li hemm diskrepanza konsiderevoli bejn dak li tistipula l-UE fil-leġiżlazzjoni ambjentali tagħha u dak li fil-fatt jiġri fil-prattika, kif jidher fl-ekonomija ċirkolari tal-Komunità Awtonoma ta' Castile La Mancha.