F'isem il-Union of European Producers of Green Energy (UEGEP), dwar l-allegat tgħawwiġ tar-regoli tal-kompetizzjoni fis-suq tal-enerġija Bulgaru 

Il-petizzjonanta tallega li tliet kumpaniji Bulgari tad-distribuzzjoni tal-enerġija qed jitħallew joperaw f'pożizzjoni dominanti. Minn naħa, hija ssostni li dawn jixtru l-enerġija mingħand 273 produttur tal-enerġija rinnovabbli (RES) fil-qafas tal-Programm tal-Iżvilupp Rurali bi prezz aktar baxx minn dak li suppost iħallsu skont l-obbligi kuntrattwali tagħhom. Min-naħa l-oħra, hija ssostni li l-istess kumpaniji tad-distribuzzjoni tal-enerġija jixtru l-enerġija mingħand kumpaniji li bbenefikaw minn finanzjamenti nazzjonali u tal-UE bi prezz ogħla minn dak previst mil-liġi. Hija tallega li l-prattiki msemmija hawn fuq jikkostitwixxu ksur tal-Att Bulgaru dwar il-Protezzjoni tal-Kompetizzjoni kif ukoll l-Artikoli 106(1) u 102 tat-TFUE.