F'isem FBLS NET, dwar il-finanzjament pubbliku li allegatament se joħloq kompetizzjoni inġusta fit-trasport ta' ħaddiema transkonfinali 

Il-petizzjonant jakkuża lill-awtoritajiet Lussemburgiżi li stabbilew servizz ta' kowċis pubbliċi għat-trasport ta' ħaddiema transkonfinali, li għalih il-fornituri tat-trasport kombinati qegħdin jirċievu kumpens minbarra l-ispejjeż maħluqa mid-domandi li jirriżultaw. Skont il-petizzjonant, dawn il-fornituri tat-trasport qegħdin jitħallew jużaw il-fondi pubbliċi tal-Lussemburgu sabiex jiffinanzjaw l-attivitajiet kummerċjali tagħhom, jiġifieri li jipprovdu trasport fi Franza. Il-petizzjonant jirreferi għas-sentenza dwar il-każ ta' Altmark, kif ukoll l-Artikoli 106 u 107 tat-TFUE, li fihom jitqajjem dubju dwar din il-prattika.