F'isem ACUS, dwar qafas regolatorju uniku u armonizzat għal mediċini u terapiji alternattivi, tradizzjonali u supplementari fl-UE 

Il-petizzjonant jiddikjara li l-petizzjoni tiegħu għandha l-għan li tressaq każ quddiem il-Parlament u l-Kummissjoni Ewropea dwar il-ħtieġa li jiġi stabbilit qafas regolatorju uniku u armonizzat għal mediċini u terapiji alternattivi, tradizzjonali u supplementari, jew permezz ta' regolamentazzjoni uffiċjali jew permezz ta' sistema Ewropea ta' awtoregolamentazzjoni, li tirrispetta d-drittijiet tal-konsumaturi u tal-professjonisti f'dan is-settur ekonomiku kbir ħafna, u li jinstemgħu l-partijiet ikkonċernati kollha. Il-petizzjonant jemmen li jeħtieġ li jkun hemm dibattitu bejn il-partijiet ikkonċernati u li tiġi stabbilita struttura li tippermetti l-armonizzazzjoni futura tas-settur fl-UE, filwaqt li jiġu evitati sitwazzjonijiet kompromettenti u trattament favorevoli mill-istituzzjonijiet Ewropej li jibbenefika lil xi partijiet ikkonċernati għad-detriment tal-interess ġenerali.