Petition is addressed to: Petitionsausschuss des Europäischen Parlaments

Il-petizzjonant jippreżenta s-sitwazzjoni ddisprata ta' diversi persuni affettwati min-nirien fil-foresti tal-2017 fil-Portugall, li ma setgħux jiksbu assistenza finanzjarja mill-awtoritajiet Portugiżi minkejja l-eżistenza ta' finanzjament nazzjonali u tal-UE sostanzjali. Huwa jsostni li eluf ta' persuni, kemm Portugiżi kif ukoll ċittadini tal-UE li jirrisjedu fil-Portugall, għadhom mingħajr dar, jeħtieġu kura medika u li ħafna minnhom tilfu l-għajxien kollu tagħhom. Minkejja dan, il-petizzjonant jargumenta, li huma ma setgħux jieħdu l-għajnuna finanzjarja li kienu intitolati għaliha minħabba leġiżlazzjoni restrittiva u maħsuba ħażin kif ukoll minħabba komunikazzjoni ħażina tad-drittijiet tagħhom mill-awtoritajiet Portugiżi rilevanti.