Dwar in-nonkonformità tar-riformi ġudizzjarji Pollakki mal-liġi tal-UE  

Il-petizzjonant jitlob lill-Kummissjoni Ewropea twaqqaf ir-riformi ġudizzjarji li ilhom għaddejjin għal dawn l-aħħar sentejn u nofs fil-Polonja. Fl-opinjoni tiegħu, il-bidliet introdotti fis-sistema ġudizzjarja mill-gvern preżenti jmorru kontra l-liġi tal-UE: il-Qorti Kostituzzjonali prattikament m'għadhiex teżisti, u d-drittijiet u l-libertajiet fundamentali ggarantiti mill-Artikolu 3(3) tat-TUE qed jinkisru. Barra minn hekk, is-separazzjoni tas-setgħat, l-istat tad-dritt u d-dritt għal proċess ġust huma mhedda mis-supremazija tal-poter eżekuttiv. Il-petizzjonant jirreferi għall-Artikolu 47 tal-Karta tad-Drittijiet Fundamentali u l-ġurisprudenza tal-Qorti tal-Ġustizzja tal-Unjoni Ewropea (il-kawża C-64/16).