Dwar diskriminazzjoni li tikkonċerna s-salarju ta' uffiċjali ġudizzjarji ġodda fil-Greċja 

Il-petizzjonant jallega diskriminazzjoni mill-Istat Grieg fir-rigward tas-salarju mħallas lil uffiċjali ġudizzjarji ġodda, meta mqabbel mas-salarju u l-"benefiċċji personali" mħallsa lil uffiċjali ġudizzjarji akbar fl-età iżda anke lil uffiċjali ċivili ġodda tal-Ministeru għall-Ekonomija u dipartimenti oħra. Barra minn hekk, huwa jsostni li, skont il-kostituzzjoni Griega, l-uffiċjali ġudizzjarji mhumiex uffiċjali ċivili u għalhekk ma kellhomx jiġu inklużi fir-remunerazzjoni unika li ġiet stabbilita fl-2011 minħabba li dan imur kontra l-prinċipju kostituzzjonali tas-separazzjoni tas-setgħat. Huwa jsostni wkoll li, fil-pajjiżi kollha tal-UE, il-persunal ġudizzjarju (greffier, Gerichtsschreiber) għandu remunerazzjoni speċjali u għalhekk iqis li l-inklużjoni tal-persunal ġudizzjarju fir-remunerazzjoni unika tmur kontra l-prinċipji fundamentali tal-UE.