Dwar diskriminazzjoni bbażata fuq l-età u s-sess fl-armata Ċiprijotta 

Il-petizzjonant jiddenunzja l-allegata diskriminazzjoni bbażata fuq is-sess bejn aġenti kuntrattwali fl-armata Ċiprijotta, b'mod partikolari matul is-snin disgħin, meta din bdiet tirrekluta persunal ta' sess femminili u użat żewġ proċeduri ta' reklutaġġ separati għall-persunal ta' sess maskili u femminili, li ta vantaġġ kompetittiv lill-aġenti kuntrattwali nisa li kien aktar faċli għalihom biex isiru uffiċjali permanenti. Il-petizzjonant innifsu jirrikonoxxi li fl-2016 u l-2017 l-awtoritajiet Ċiprijotti għamlu diversi reviżjonijiet għall-qafas legali eżistenti li deher li solva l-problema, u issa jagħmilha ferm aktar diffiċli biex wieħed jinvoka l-eżistenza ta' diskriminazzjoni bbażata fuq is-sess, iżda madankollu jinsisti li baqgħet isseħħ diskriminazzjoni indiretta bbażata fuq is-sess fi tmiem l-2017 meta l-armata Ċiprijotta pproċediet għall-ħatra ta' 52 persunal ta' sess femminili.Il-petizzjonant jiddeplora l-fatt li JUST D2 Gender Equality iddeċieda b'mod arbitrarju u superfiċjali li jagħlaq il-każ tal-EU Pilot 6544/2014 – wara li kiteb lill-awtoritajiet Ċiprijotti u rċieva risposta mingħandhom.