Dwar l-użu tal-lingwa Ingliża fl-avjazzjoni fis-settur tal-manutenzjoni għall-avjazzjoni fl-UE  

Peticija upućena: Petitionsausschuss des Europäischen Parlaments

Il-petizzjonant jitlob lill-Kummissjoni Ewropea u lill-Aġenzija tas-Sikurezza tal-Avjazzjoni tal-Unjoni Ewropea (EASA) biex iqisu l-implimentazzjoni obbligatorja tal-lingwa Ingliża fil-proċess ta' komunikazzjoni, dokumentazzjoni u mmaniġġjar tal-Manutenzjoni għall-Avjazzjoni fl-Istati Membri kollha tal-UE, inkluż bl-identifikazzjoni tal-Kompetenza Lingwistika tal-Ingliż fl-Avjazzjoni bħala rekwiżit fundamentali għall-persunal u l-awtoritajiet involuti.Il-petizzjonant ifakkar fit-titjib konsiderevoli tas-sitwazzjoni tas-sikurezza għall-passiġġieri li jivvjaġġaw bl-ajru meta, wara l-ħabta traġika ta' żewġ ajruplani fl-1977 f'Tenerife, l-Ingliż sar obbligatorju għall-Piloti u l-Kontroll tat-Traffiku tal-Ajru, madwar l-Unjoni Ewropea.Din l-istampa tas-sikurezza tista' tiġi kkompletata billi jiġu evitati r-riskji ta' sikurezza minħabba nuqqas ta' fehim, interpretazzjoni żbaljata tad-data fl-oqsma ta' Manutenzjoni għall-Avjazzjoni.