F'isem Sinn Féin, dwar l-allegat ksur tad-Direttiva dwar it-Trattament tal-Ilma Urban Mormi f'Dublin 

Αίτηση προς: Petitionsausschuss des Europäischen Parlaments

Il-petizzjonant jilmenta li l-ilma mormi qed jintrema mill-Impjant tat-Trattament tal-Ilma Mormi Ringsend fil-Bajja ta' Dublin, magħżula bħala riżerva bijosferika mill-UNESCO. Il-petizzjonant jemmen li dan jhedded il-kwalità tal-ilma, il-bijodiversità, l-ekosistema u s-saħħa ta' aktar minn 300 000 abitant. Il-petizzjonant jirrapporta li l-problema kienet partikolarment ħażina fis-sajf tal-2019, meta kienet fis-seħħ projbizzjoni temporanja fuq l-għawn f'diversi bajjiet ta' Dublin, minħabba r-rimi eċċessiv ta' ilma mormi mill-impjant tat-trattament Ringsend. Il-petizzjonant jirrapporta wkoll li tressqu proċedimenti ta' ksur mill-Kummissjoni kontra l-Irlanda għan-nuqqas ta' konformità tagħha mal-leġiżlazzjoni rilevanti tal-UE f'dan ir-rigward. Il-petizzjonant jitlob li l-Parlament jiżgura li l-Gvern Irlandiż jikkonforma mad-Direttiva dwar it-Trattament tal-Ilma Urban Mormi u jindirizza l-problemi kkawżati mir-rimi tal-ilma mormi mill-impjant tat-trattament Ringsend.