Dwar il-fatt li l-banek jiġu obbligati joffru proċeduri TAN uniformi għas-servizzi online 

Il-petizzjonant isostni li wara l-implimentazzjoni tad-Direttiva dwar is-Servizzi ta' Ħlas Riveduta, kważi kull bank żviluppa l-applikazzjoni bankarja online tiegħu stess u jeżistu rekwiżiti ta' hardware differenti ħafna għall-apparati meħtieġa. Huwa jinnota li mhux il-banek kollha jiddependu fuq skemi sikuri u mhux għaljin bħaċ-Chip-TAN. Għalhekk, il-klijenti tal-bank ta' spiss jużaw l-applikazzjonijiet bankarji online fuq apparati qodma tal-Android. Fl-opinjoni tiegħu, jekk il-banek jiddeċiedu li jiddependu fuq skemi bħaċ-Chip-TAN, il-klijenti jkollhom għażla aktar faċli bejn banek differenti u fl-istess ħin jibbenefikaw minn livell għoli ta' sigurtà.