A petíció címzettje: Petitionsausschuss des Europäischen Parlaments

Il-petizzjonant jiġbed l-attenzjoni għal allegat ksur tal-qafas legali tal-UE dwar il-ħabitats ta' speċijiet importanti ta' għasafar waqt l-immarkar tar-rotta għal triq express fil-massif ta' Mała Barania. Il-petizzjonant isostni li d-deċiżjonijiet ambjentali meħtieġa għal dan il-proġett ma qisux il-fatturi ambjentali, jiġifieri t-theddid għall-ħabitats tal-ispeċijiet fil-periklu. Ilment mibgħut lill-Ispettorat Provinċjali għall-Protezzjoni tal-Ambjent ma tax ir-riżultati mixtieqa, billi dan il-korp ma wettaqx l-ispezzjonijiet fuq il-post u fid-deċiżjoni tiegħu, huwa sostna li ma kien hemm l-ebda evidenza li turi l-ksur tal-leġiżlazzjoni relatata mal-ħabitats ta' speċijiet importanti ta' għasafar. Barra minn hekk, ma sarux konsultazzjonijiet ma' istituzzjonijiet jew organizzazzjonijiet tan-natura. Il-petizzjonant jirreferi għall-Artikoli 11 u 13 tat-TFUE relatati mal-protezzjoni tal-ambjent u l-benesseri tal-annimali, li għandhom jitqiesu fl-implimentazzjoni tal-politika tal-UE u l-politika tat-trasport mill-Istati Membri.