Petition richtet sich an: Petitionsausschuss des Europäischen Parlaments

Il-petizzjonanta hija mħassba fid-dawl tal-kriżi tas-saħħa kkawżata mill-COVID-19, li skont bosta riċerkaturi setgħet oriġinat, f'"suq b'annimali ħajjin" f'Wuhan (iċ-Ċina). Il-petizzjonanta tiddeskrivi s-swieq b'annimali ħajjin bħala biċċeriji fil-beraħ, li jinnegozjaw annimali f'ċirkustanzi diżgustanti. Hija tirreferi għall-kampanja l-ġdida ta' GAIA li titlob l-għeluq tas-"swieq b'annimali ħajjin" madwar id-dinja. Barra minn hekk, hija titlob lill-Parlament biex jaġixxi fuq il-kummerċ globali ta' annimali maqbudin mill-ambjent naturali tagħhom u titlob li jitnaqqas it-trasport mill-bogħod tal-annimali. Il-petizzjonanta titlob lill-Parlament Ewropew biex jagħlaq is-swieq b'annimali ħajjin, bil-għan li tiġi protetta s-saħħa pubblika u jiġi promoss il-benessri tal-annimali.