F'isem Save the Children Romania, dwar l-allegata traspożizzjoni ħażina tad-Direttiva 2015/849 fil-liġi Rumena 

Petition addressed to: Petitionsausschuss des Europäischen Parlaments

Skont il-petizzjonant, il-gvern Rumen adotta reċentement abbozz ta' liġi għat-traspożizzjoni tad-Direttiva 2015/849, dwar il-prevenzjoni tal-użu tas-sistemi finanzjarji għall-finijiet tal-ħasil tal-flus, li jimponi obbligi eċċessivi ta' rapportar fuq l-NGOs dwar id-donaturi u s-sostenituri tagħhom jew il-"benefiċjarji reali" tas-servizzi u l-attivitajiet tagħhom, jew inkella jirriskjaw xoljiment immedjat. Fil-prattika, dan ifisser li l-organizzazzjoni tal-petizzjonant ikollha tirrapporta data personali tat-tfal, tal-ġenituri, tal-ġurnalisti u tas-sostenituri kollha, u dan, jargumenta l-petizzjonant, jillimita d-donazzjonijiet, iżid kwistjonijiet dwar l-użu ta' data personali u jżomm lura liċ-ċittadini milli jassoċjaw ruħhom mal-NGOs. Il-petizzjonant isostni wkoll li dawn ir-regolamenti sproporzjonati oriġinaw fit-traduzzjoni inkorretta għar-Rumen tat-terminu "fondazzjonijiet," kif jinsab fid-Direttiva 2015/849, li fir-Rumen jinkludi organizzazzjonijiet mingħajr skop ta' qligħ, u jitlob kjarifikazzjonijiet dwar din il-kwistjoni.