F'isem il-"Plataforma frenem la contaminació", dwar il-kwalità tal-arja fiż-żona ta' Grau ta' Castellón, f'Valencia  

Il-petizzjonant jindika li ż-żona industrijali ta' Serrallo, b'numru ta' impriżi petrokimiċi u tal-enerġija u kkunsidrata bħala waħda mit-tliet ċentri petrokimiċi l-aktar importanti fil-Mediterran, tinsab fil-viċinanza immedjata taż-żoni residenzjali ta' Grau de Castelló u ta' Almassora. Barra minn hekk, dan l-aħħar, bdew xogħlijiet għall-espansjoni tad-dokkijiet tan-Nofsinhar kontigwi, biex jiġu faċilitati t-tagħbija u l-ħatt tal-aggregati. Il-petizzjonant jibża' li dan jista' jkompli jaggrava t-tniġġis atmosferiku li bħalissa diġà qed jolqot lir-residenti lokali.