Dwar ksur tar-Regolament Ġenerali dwar il-Protezzjoni tad-Data li jirriżulta mill-użu ta' ditekters tal-gideb  

Petition addressed to: Petitionsausschuss des Europäischen Parlaments

Il-petizzjonant jitlob li l-użu tad-ditekters tal-gideb isir illegali. Fl-argument tiegħu huwa jsostni li, fid-dawl tal-ġurisprudenza tal-Qorti Kostituzzjonali Federali (Bundesverfassungsgericht) dwar id-ditekters tal-gideb, l-użu ta' tali softwer għall-analiżi tal-personalità mhuwiex legali. L-użu tiegħu lanqas ma jista' jiġi ġġustifikat mill-kunsens tas-suġġett tad-data. L-ewwel, l-individwi mhumiex konxji tal-kamp ta' applikazzjoni estensiv għall-analiżi u l-konsegwenzi ta' tali testijiet. It-tieni, fin-nuqqas ta' projbizzjoni assoluta, ikun hemm pressjoni indiretta biex jingħata kunsens, pereżempju meta wieħed ikun qed japplika għal impjieg jew ikun qed ifittex kopertura tal-assigurazzjoni. Fil-verità dan ifisser li l-persuni m'għandhomx għażla libera. Fin-nuqqas ta' projbizzjoni, il-protezzjoni ta' privatezza tal-informazzjoni ggarantita mill-kostituzzjoni lanqas ma tista' tiġi infurzata.