Petitsioon on adresseeritud: Petitionsausschuss des Europäischen Parlaments

Il-petizzjonanta tilmenta li fir-Repubblika tal-Bulgarija, il-leġiżlazzjoni Ewropea dwar il-protezzjoni tas-saħħa tal-bniedem minn emissjonijiet u rwejjaħ kimiċi ta' ħsara rilaxxati mill-impjanti tal-manifattura allegatament mhix qed tiġi osservata. Hija tirreferi għar-Regolament (KE) Nru 1907/2006 tal-Parlament Ewropew u tal-Kunsill dwar ir-Reġistrazzjoni, il-Valutazzjoni, l-Awtorizzazzjoni u r-Restrizzjoni ta' Sustanzi Kimiċi (REACH), id-Direttiva 2010/75/UE tal-Parlament Ewropew u tal-Kunsill dwar l-emissjonijiet industrijali (il-prevenzjoni u l-kontroll integrati tat-tniġġis) u għad-Direttiva 2008/1/KE tal-Parlament Ewropew u tal-Kunsill dwar il-prevenzjoni u l-kontroll integrati tat-tniġġis. Il-petizzjonanta tallega li fil-belt ta' Ruse, faċilità tal-produzzjoni ta' kumpanija qed topera b'tali mod li tirrilaxxa rwejjaħ u tikkawża ħsara lill-popolazzjoni l-ħin kollu. Hija ssostni wkoll li l-awtoritajiet responsabbli fir-Repubblika tal-Bulgarija qed jirrifjutaw li jobbligaw lill-kumpanija tirrispetta l-leġiżlazzjoni Ewropea.