Peticija je naslovljena na: Kummissjoni Ewropea

Għalkemm it-tneħħija tal-pinen tal-klieb il-baħar abbord ta’ bastimenti tal-UE u fl-ilmijiet tal-UE hija pprojbita u l-klieb il-baħar għandhom jinħattu l-art bil-pinen imwaħħla b’mod naturali, l-UE hija fost l-akbar esportatur ta’ pinen tal-klieb il-baħar u ċ-ċentru ewlieni ta’ tranżitu għall-kummerċ globali. L-UE hija attriċi ewlenija fl-isfruttament tal-klieb il-baħar u billi l-ispezzjonijiet fuq il-baħar huma skarsi, il-pinen tal-klieb il-baħar għadhom jinżammu, jiġu ttrasbordati, jew jinħattu l-art illegalment fl-UE. Aħna nimmiraw li nwaqqfu l-kummerċ tal-pinen tal-klieb il-baħar fl-UE inklużi l-importazzjoni, l-esportazzjoni u t-tranżitu tal-pinen tal-klieb il-baħar minbarra jekk ikunu mwaħħla b’mod naturali mal-ġisem tal-annimal. Peress li t-tneħħija tal-pinen tipprevjeni miżuri effettivi ta’ konservazzjoni tal-klieb il-baħar, aħna nitolbu li r-Regolament (UE) Nru 605/2013 jiġi estiż ukoll għall-kummerċ tal-pinen tal-klieb il-baħar u għalhekk nitolbu lill-Kummissjoni tiżviluppa regolament ġdid, li jestendi “pinen tal-klieb il-baħar mwaħħla b’mod naturali” għall-kummerċ kollu tal-klieb il-baħar u tar-raj fl-UE.