F'isem Uniunea Salvați România, dwar it-tniġġis transkonfinali tax-Xmara Timiș fir-Rumanija 

Il-petizzjonanta ssostni li, għal dawn l-aħħar 10 snin, l-impjant tad-dranaġġ tal-belt ta' Lugoj kien qed iniġġes ix-Xmara Timiș b'mod sever, filwaqt li jaffettwa l-provvista tal-ilma ta' diversi djar kemm fir-Rumanija kif ukoll fis-Serbja. Hija tilmenta li, minkejja li matul is-snin il-kumpanija li timmaniġġja l-impjant tad-dranaġġ rċeviet multi ripetuti, din tibqa' topera u tniġġes bla xkiel. Skont il-petizzjonanta, fl-2009 inbdiet rinnovazzjoni tal-impjant tad-dranaġġ, iżda awditu tal-2016 tal-Qorti tal-Awdituri tar-Rumanija żvela nuqqasijiet sostanzjali fit-twettiq tal-proġett, b'ħafna mix-xogħlijiet ma jiġux finalizzati jew ma jitwettqux kif suppost.